വയനാട്‌ കണിയാമ്പറ്റ ഗവ ചിൽഡ്രൻസ് ഹോമിൽ (ബോയ്സ്) കെയർടേക്കർ പാനൽ തയ്യാറാക്കുന്നു. കെയർടേക്കർമാരുടെ കോമ്പൻസേഷൻ ഓഫ്, വീക്കിലി ഓഫ്, മറ്റ് അവധി ദിവസങ്ങൾ എന്നിവയിൽ ദിവസവേതനാടിസ്ഥാനത്തിൽ സേവനമനുഷ്ഠിക്കുന്നതിനാണ് പാനൽ തയ്യാറാക്കുന്നത്.
കുട്ടികളുടെ സംരക്ഷണത്തിൽ താത്പര്യവും സേവനസന്നദ്ധതയുമുള്ള പുരുഷ ഉദ്യോഗാർഥികൾക്ക് അപേക്ഷിക്കാം. പ്ലസ് ടു, പ്രീഡിഗ്രി അല്ലെങ്കിൽ തത്തുല്യ യോഗ്യതയാണ് വിദ്യാഭ്യാസ യോഗ്യത.
ജെ.ജെ. ആക്ട് പ്രകാരം രജിസ്റ്റർ ചെയ്ത സ്ഥാപനങ്ങളിൽ കുറഞ്ഞത് ഒരു വർഷത്തെ പ്രവൃത്തിപരിചയം അഭികാമ്യം.
താത്പര്യമുള്ളവർ ബയോഡാറ്റ, വിദ്യാഭ്യാസ യോഗ്യത, പ്രായം, പ്രവൃത്തിപരിചയം എന്നിവ തെളിയിക്കുന്ന അസൽ സർട്ടിഫിക്കറ്റുകളും പകർപ്പുകളും സഹിതം ഒക്ടോബർ 28 ന് രാവിലെ 10.30ന് ചിൽഡ്രൻസ് ഹോം ഓഫീസിൽ അഭിമുഖത്തിന് എത്തണം. ഫോണ്‍- 04936 286900